ЗАНЗИБАР (Zanzibar)
ЗАНЗИБАР (Zanzibar), выспа ў Індыйскім ок., ва ўсходняга ўзбярэжжа Афрыкі (адлучаны ад мацерыка пралівам шырынёй 36 км), у складзе Танзаніі. 1658 км2. Вышыня да 120 м. Хмызняковая расліннасць. Плантацыі гваздзіковага дрэва і какосавай пальмы. Галоўны горад і порт Занзибар. З 8 у. Занзибар засяляўся арабамі з Амана, якія падпарадкоўваліся яго султану. У 1528 кон. 17 у. валоданне Партугаліі, затым Амана. У 1856-90 незалежны султанат (уключаючы о. Пемба і інш.), у 1890-1963 ангельскі пратэктарат. У 1963-64 незалежная дзяржава.